مسابقة افضل ريشة ابداعية , بابن مصر ,,

[The Myth]

السلام عليكم..





نفتتح اذن المسابقة التي كنا قد اعلنا عنها في ابن مصر TV منذ ايام
ونفتح المجال ها هنا لكل المواهب الابداعية في الرسم لتأتينا بما عندها.

ولكن قبل اطلاق صافرة البداية
علينا ان نقنن مسابقتنا.

واليكم التفصيل والشروط والقواعد:


- مطلوب عمل لوحة فنية تعبر عن اي شئ في خيالك
- متروك للفنان حرية استخدام اي نوع من انواع الالوان او الرسم بالرصاص او الفحم او اي مواد اخري
- مدة المسابقة شهر واحد من تاريخ بدأها



× قوانين و شروط المسابقة :

-يجب ان تكون الرسمة من ابداعك الشخصي وليست منقوله
-ممنوع عمل الرسومات الغير لائقة او الاباحية
- على الرسمة ان تحتوي على امضاء (توقيع) صاحبها لتجنب سرقتها.
- على الرسمة ان تحتوي على تاريخ رسمها، بالاضافة الى كتابة "ابن مصر" عليها.




× قواعد عامة:

- طبعا، اي رسمة يتم ادراجها بشكل رد عادي لكل عضو ، وانا سأقوم برفعها الى نص الموضوع الاصلي ايضا لابقاءها في الواجهة حتى يتسنى للجميع رؤيتها والتصويت.

- يمكن لاي عضو مشارك او غير مشارك ان يعلق على اي رسمة من الموجودات، ولكن يمنع الخروج عن فحوى المسابقة.

- صاحب المركز الاول يحصل على وسام "صاحب افضل ريشة ابداعية، ابن مصر"
ويضاف الى توقيعه طبعا.
- تثبيت موضوع خاص برسمته لمدة اسبوع ,,




ارجو للجميع الاستمتاع
والى الملتقى.
اسرة ابن مصر

[The Myth]

Beads Artist

The Myth

sleeping angel

The dark knight

ياسر

لاجئة



بيرو القمر

[BeadsArtist]

[center]بسم الله الرحمن الرحيم
انا عملت اللي قلت عليه
وآدي الرسمه بتاعتي
وحطيت واحده اوضح واكبر لأن صعب اسحبها على سكانر اليومين دول فاعذروني
يارب تعجبكم

[رؤيه]

انا جيييييييييييييت
انا بحب الرسم جداااااااا
بس مش بعرف ارسم
هتفرج عليكم بقي واصوت ف الاخر
وجبت الفشار بتاعى معايا



يلا يا جماعه عايزين نشوف ابداعاتكم
انا شوفت رسومات تحفه فى موضوع ايه رأيك فى الرسمة دى
حاول وارسم وهاتلنا رسمتك
مش مهم تكسب ومش مهم تكون احسن رسمة
بالتكرار والخبره والاحتكاك برسومات الاخرين هتتقن الموضوع
والمسابقه كمان فكره جميله لاستفزاز المواهب الخامله
احنا فى اجازه وصيف يعنى ملكمش حجه
مش عايزين كسل عايزين نشاط وتنافس جميل

بالتوفيق لكل المشتركين والغير مشتركين
وشكرا لاصحاب الفكره والاقتراح حازم وعلا

متابعه جدا

[midomod]

الفكرة جامدة جدا يا حازم

وطبعا لأانى مش بعرف ارسم

هكون متابع معاكم بس

.....

عجبتنى اول رسمة ....بس هى من تاريخ 2001 ؟ ولا دى غلطة؟

[The Myth]

المشاركة الأصلية بواسطة BeadsArtist

بسم الله الرحمن الرحيم
انا عملت اللي قلت عليه
وآدي الرسمه بتاعتي
يارب تعجبكم

بصراحة الرسمة حلوة قوي
لو كنت عملتيها سكان كانت هاتبقي احسن
عشان التفاصيل اللي راسماها كانت هاتبقي اوضح
لو حبيتي تعدليها و تاخديها سكان ابقي ابعتيلي الجديدة

[The Myth]

المشاركة الأصلية بواسطة رؤيه

انا جيييييييييييييت
انا بحب الرسم جداااااااا
بس مش بعرف ارسم
هتفرج عليكم بقي واصوت ف الاخر
وجبت الفشار بتاعى معايا



يلا يا جماعه عايزين نشوف ابداعاتكم
انا شوفت رسومات تحفه فى موضوع ايه رأيك فى الرسمة دى
حاول وارسم وهاتلنا رسمتك
مش مهم تكسب ومش مهم تكون احسن رسمة
بالتكرار والخبره والاحتكاك برسومات الاخرين هتتقن الموضوع
والمسابقه كمان فكره جميله لاستفزاز المواهب الخامله
احنا فى اجازه وصيف يعنى ملكمش حجه
مش عايزين كسل عايزين نشاط وتنافس جميل

بالتوفيق لكل المشتركين والغير مشتركين
وشكرا لاصحاب الفكره والاقتراح حازم وعلا

متابعه جدا

انا شكلي هاضرب فشار انا كمان و اقعد اتفرج ,
كلامك مظبوط يا رؤية
مش مهم مين يكسب و مين يخسر
المهم اني اشارك و احتك بالناس

شكرا لحضورك يا رؤية

[The Myth]

المشاركة الأصلية بواسطة midomod

الفكرة جامدة جدا يا حازم

وطبعا لأانى مش بعرف ارسم

هكون متابع معاكم بس

.....

عجبتنى اول رسمة ....بس هى من تاريخ 2001 ؟ ولا دى غلطة؟

متابعتك تسعدنا يا ميدو
تنور فاي وقت ,,
الرسمة الاولي فعلا جميلة جدا
واضح انها خدت منها وقت كبير
ان شاء الله تكون من الفائزين

[زهرة الحياة]

المشاركة الأصلية بواسطة رؤيه

انا جيييييييييييييت
انا بحب الرسم جداااااااا
بس مش بعرف ارسم
هتفرج عليكم بقي واصوت ف الاخر
وجبت الفشار بتاعى معايا



يلا يا جماعه عايزين نشوف ابداعاتكم
انا شوفت رسومات تحفه فى موضوع ايه رأيك فى الرسمة دى
حاول وارسم وهاتلنا رسمتك
مش مهم تكسب ومش مهم تكون احسن رسمة
بالتكرار والخبره والاحتكاك برسومات الاخرين هتتقن الموضوع
والمسابقه كمان فكره جميله لاستفزاز المواهب الخامله
احنا فى اجازه وصيف يعنى ملكمش حجه
مش عايزين كسل عايزين نشاط وتنافس جميل

بالتوفيق لكل المشتركين والغير مشتركين
وشكرا لاصحاب الفكره والاقتراح حازم وعلا

متابعه جدا

انا زيك يارؤية احجزيلى مكان جمبك
هتفرج معاكى علشان بحب الرسم بس مش بعرف ارسم
وسيبيلى شوية فشار معاكى
وانا هجيب معايا اللب

[BeadsArtist]

بسم الله الرحمن الرحيم
انا حطيت واحده تانيه اهو
واللي تحس انها احسن خليها
الرسمه فعلا بتاريخ 2001 وعندي رسومات لحوض سمك وفراشه وحاجات تانيه بنفس الطريقه بس بطلت ارسم لسبب غبي جدا
ان القلم الحبر اللي كنت برسم بيه بطلوا ينزلوه ومش لاقيه زيه ابدا
ان شاء الله لو لقيت حرجع ارسم تانى
الرسمه دي خدت منى 3 ايام تقريبا وكانت اول رسمه معقده ارسمها بالطريقه دي
يارب تعجبكم
وباقي الرسومات بعد المسابقه ان شاء الله حوريهالكم

[رؤيه]

المشاركة الأصلية بواسطة زهرة الحياة

انا زيك يارؤية احجزيلى مكان جمبك
هتفرج معاكى علشان بحب الرسم بس مش بعرف ارسم
وسيبيلى شوية فشار معاكى
وانا هجيب معايا اللب

ياقهلا وسهلا
تعالى الكرسي اللى جنبى فاضى وياريت تنوعى فى اللب ابيض واسمر لو لقيتى لب بطيخ كمان هاتى اصلى مدمنه
حازم قالى هيجيبلنا حاجات ساقعه
حلوة الفسحة دى
وسع شويه يا ميدو مش شايفين منك هما كده بتوع الزقازيق
ياريت تعلى التكييف شوية يا حازم الجو حر
واياك حد يعدى من قدامى بقي
منورين والله
تقولش موضوعى اصلا

[رؤيه]

نسيت اقول ان الرسمه جميله
هو اي رسمة هتكون جميله لانى برسم اشباح فبالنسبالى اللى انتو عاملينه ده اشي خيال خيال خيال
ربنا يوفقكم ويحميكم من عيون الناس اللى مبتعرفش ترسم
وجاية تاكل وتتفرج

[midomod]

المشاركة الأصلية بواسطة رؤيه

ياقهلا وسهلا
تعالى الكرسي اللى جنبى فاضى وياريت تنوعى فى اللب ابيض واسمر لو لقيتى لب بطيخ كمان هاتى اصلى مدمنه
حازم قالى هيجيبلنا حاجات ساقعه
حلوة الفسحة دى
وسع شويه يا ميدو مش شايفين منك هما كده بتوع الزقازيق
ياريت تعلى التكييف شوية يا حازم الجو حر
واياك حد يعدى من قدامى بقي
منورين والله
تقولش موضوعى اصلا

شكلك هتعملى زى الراجل اللى كان بيتفرج على اللوحة فى المعرض فى فيلم حرمية فى تايلند

لو سمحتى بطلى ترمى قشر لب ع الارض

[رؤيه]

المشاركة الأصلية بواسطة midomod

شكلك هتعملى زى الراجل اللى كان بيتفرج على اللوحة فى المعرض فى فيلم حرمية فى تايلند

لو سمحتى بطلى ترمى قشر لب ع الارض

ايون هو ده
لعلمك انا رسمتها قبل كده 5 مرات
اومال ارميه فين

[امل حياتى]

جبت الفرقه اللى هتشجع وجيت
يلا احنا قاعدين نتفرج اهو
اول رسمه جميله اوى
فين الباقى بقى
يلا عايزين نتفرج
فين بقيه المشاركييييييييييييييييين