عربيه سودا ماشيه
وراها 6 عربيات سودا
ماشيه قودامها 6 عربيات سودا
جمبها يمين وشمال 6 عربيات سودا
90 بودى جارد محاوطين العربيات السودا
وبردوا لابسين بدل سودا
اتنين بيجروا ناحيه العربيه السودا
بينهجوا من الجرى
البودى جاردات يصوبون اسلحتهم تجاههم
الشخصان
يناديان
يا ريس
يا باشا
اسمعنا
البودى جاردات يتأهبون
ينظر الرجل المهم لهم ثم تتوقف عربيه الرجل المهم قليلا
عايزينك فى موضوع خطير
ينتبه الرجل المهم لهم
يا ريس يا باشا كلمه واحده
قول يا بنى عايز ايه
يرد الواد التانى موضوع مينفعش اقولهولك ادام الناس
ابقا تعلالى المكتب
الموضوع ميستحملشى التأخير
قول وخلصنى يا سيدى
امتعض وجه الاثنان مره واحده مما جعل الحرس يتأهبون اكثر
نطق الاثنان فى وقت واحد
روووووووح امك ..........!؟
وقبل ان تكتمل الكلمات انطلقت اصوات مدويه فى المنطقه اصوات مدافع رشاشه تخترق جسادهما
سقط الاول على الثانى والدماء تسيل من كل خليه بجسده
وانطلقت السيارات مسرعه
ايه يا على ازاى اللى بيحصل ده مين اللى امرهم يضربوا النار عليه
ايه يا ريس مشفتش شكلهم وكلامهم عامل ازاى
طب استنى ما نعرف عايزين ايه يا على الاول
يا ريس دول عيال متشرده شكلهم مريب
وكمان بيتعدوا على سعادتك
طب وصلنى البيت يا عصام مش رايح الوزاره النهارده
تمام يا ريس
دارت عجله سيارته السوداء ومعها جيش السيارات
عنما اقتربت السيارات من منزله
ايه اصوات دى يا على مش عارف يا ريس
طب روح شوف وتعالى
اوامرك يا ريس
الرجل المهم يفكر فيما حدث
يعود على مصفر الوجه يبدوا عليه التأثر بشئ ما
فى ايه يا على
البقيا فى حياتك يا ريس
فى
فى
فى والدتك
@@@@@@@@@@@@@@@@@@@@@@@@@@@@@@@@@@@@@@@
بعد مرور فتره
ازاى احوالك يا ريس
مش تمام يا على
ايه اللى حصل فى موضوع الولدان اللى اضرب عليهم رصاص
واحد مات يا ريس والتانى جات رصاصه فى دراعه
هاتهولى يا على
بس ياريس ...
ما بسش يا على
اوامرك
@@@@@@@@@@@@@@@@@@@@
ايه قله الادب دى انت تعرف انت كنت بتكلم مين انت وصاحبك
والله ما نقصد حاجه يا ريس
امال كنتوا عايزين ايه
كنا بنقول لحضرتك
روووووح امك....؟
قاطعه على
تانى انت مبتحرمش
قاطعه الرجل المهم بامتعاض اسكت يا على سيبه يكمل
قول يا بنى كمل
رد الرجل بارتباك وهو ينظر لعلى بخوف
كنت بقول لحضرتك
رووووح امك
عايزه تشوفك قبل ماتموت
ثم ساد المكان صمت رهيب
@@@@@@@@@@@@@@@@@@@@@@@@@@@@@@@
النمط الخطي
