|
بسم الله الرحمن الرحيم
السلام عليكم .. و شكرا جزيلا يا اخ محمد على هالموضوع المهم جدا
انا فلسطيني و عايش في فلسطين .. و بيجوز بعرف اكثر من هالناحية .. قبل اول شي بالنسبة للعمال الفلسطينيين داخل الخط الاخضر .. حاليا في ظل الانتفاضة ما في اي عامل فلسطيني بيعمل داخل الخط الاخضر الا ما ندر .. كانت هاي الظاهرة شائعة بشكل كبير قبل الانتفاضة .. في ظل السلطة الفلسطينية يا اخ محمد الحقيقة انو فرص العمل في الضفة الغربية او حتى قطاع غزة كانت شبه منعدمة حتى للمتعلمين .. لذلك شي طبيعي انو الفلسطيني بدو يعيش .. و راح اوخذها من ناحية وطنية .. انو بدو يعيش من غير ما يغادر ارضو .. يعني يطلع بره فلسطين يشتغل .. فكان الي مش ملاقي فرصة عمل داخل اراضي السلطة الفلسطينية شي طبيعي راح يتوجه لداخل الخط الاخضر الي كان مفتوح على مصراعيه امام العمال العرب .. تاني شي اخ محمد .. ظهرت هاي الظاهرة بعد انتهاء الانتفاضة الفلسطينية الاولى .. و الي نتج عنها اتفاقية اوسلو .. و اقول الحق انو الفلسطينيين كانو متأملين الخير من هالاتفاقية الي اعتبروها تحرير بالنسبة الهم لما جاءت السلطة الفلسطينية و بنت نفسها في جزء بسيط من الاراضي الفلسطينية .. اعتبرو انهم لازم يعيشو جنب الى جنب مع اليهود بسلام و اتفاقيات تحفظ امنهم .. ولا حرج ( الرسول عليه الصلاة والسلام عقد اتفاقيات مع اليهود ) رضيو بالأمر الواقع .. و بدا الفلسطينيين واليهود الغير متطرفين يتقربو من بعض .. و تصير بينهم مشاريع عمل ( طبعا في ظل السلطة الفلسطينية ) من سنة 93 الى سنة 2000 وبدأ نوع من الوثوق يظهر بين الجانبين .. و طبعا كل شي انهدم بدخول شارون الي القدس و اظهار النوايا الحقيقية لليهود ..
ودافع أخر .. انو العامل الفلسطيني ( غير المتعلم يعني ) كان يعمل داخل اسرائيل و يتقاضى مرتب يصل تقريبا الى 200 شيقل اسرائيلي يوميا يعني تقريبا 58 دولار يوميا .. بينما كان لما يشتغل في اراضي السلطة يتقاضى حوالي 20 شيقل يوميا فقط يعني تقريبا 6 دولار بس .. و طبعا المبلغ غير كافي انو يطعمي اسرتو ليوم واحد ./ و طبعا حاليا العمال الي كانو بيشتغلو في اسرئيل فعلا بيتقاضو هالمبلغ داخل اراضي السلطة بعد ما اتوقفو عند العمل داخل اسرائيل ..
ما بعرف اذا كنتو اتصورتو الوضع معي ..
و آسف جدا على الاطالة ..
و شكرا يا أخ محمد على الموضوع
__________________
)|f(| )|f(| النور كيف ظهوره ان لم يكن دمنا الوقود )|f(| )|f(|
)|f(| )|f(| و القدس كيف نعيدها ان لم نكن نحن الجنود )|f(| )|f(|
----------------------------------------------------------
إننا ندرك حقيقة واحدة .. وهي أن كل ذرة من تراب فلسطين جديرة بأن نستشهد من أجلها…
ونحن أبناء المقاومة .. وسنرسم اللوحة .. والأيام ستشهد .. والسلام عليكم
|
هل عمل الفلسطينين عند اليهود يعتبر ذل وهوان ام لا
النمط الخطي
